वर्धा जिल्ह्यात अमली पदार्थ विरोधी विशेष तपासणी मोहीम फत्ते; ९ गुन्हे दाखल

वर्धा जिल्ह्यात अमली पदार्थ विरोधी विशेष तपासणी मोहीम फत्ते; ९ गुन्हे दाखल

वर्धा जिल्हा पोलीस दलाने जिल्ह्यातील अमली पदार्थांच्या वाढत्या प्रमाणावर गंभीर दखल घेत अमली पदार्थांचे समूळ उच्चाटन करण्यासाठी विशेष तपासणी मोहीम राबवली. ही मोहीम १० ऑगस्ट २०२६ ते ११ ऑगस्ट २०२६ या कालावधीत संपूर्ण जिल्ह्यात राबवण्यात आली.

कारवाईचा सविस्तर तपशील

• तपासणी केलेली ठिकाणे: जिल्ह्यातील १९ पोलीस ठाण्यांच्या हद्दीतील एकूण २२९ निर्जन व संवेदनशील ठिकाणांची तपासणी करण्यात आली.

  
  

  

  
  

• रेकॉर्डवरील गुन्हेगारांची तपासणी: अमली पदार्थ विरोधी कायद्यान्वये (NDPS) आधीच गुन्हे दाखल असलेल्या एकूण १०६ अभिलेखावरील गुन्हेगारांची कसून तपासणी करण्यात आली.

• दाखल गुन्हे: मोहिमेदरम्यान गांजा या अमली पदार्थाचे सेवन करताना आढळलेल्यांवर एकूण ९ नवीन गुन्हे दाखल करण्यात आले आहेत.

  
  

  

  
  

मोहिमेतील पोलीस पथक

ही मोहीम यशस्वी करण्यासाठी वर्धा, हिंगणघाट, आर्वी व पुलगाव येथील उपविभागीय पोलीस अधिकारी, १९ ठाणे प्रभारी अधिकारी, ४० दुय्यम अधिकारी, २५० पोलीस अंमलदार आणि स्थानिक गुन्हे शाखेचे (LCB) ३ अधिकारी व २० अंमलदार यांनी प्रत्यक्ष सहभाग घेतला होता.

पोलीस अधीक्षक सौरभ कुमार अग्रवाल आणि अपर पोलीस अधीक्षक सदाशिव वाघमारे यांच्या मार्गदर्शनाखाली ही कारवाई करण्यात आली असून, भविष्यातही अशाच प्रकारच्या मोहिमा राबवून गुन्हेगारीवर आळा घालणार असल्याचे स्थानिक गुन्हे शाखेचे पोलीस निरीक्षक विनोद चौधरी यांनी स्पष्ट केले आहे.