गुन्हेशाखा पोलिसांची कामगिरी : शस्त्र बाळगून धुमाकूळ घालणाऱ्या आरोपीस अटक

 दिनांक २५.०८.२०२६ रोजी रात्री २०.४५ वाजताच्या सुमारास, गुन्हेशाखा युनिट क्र. २ चे अधिकारी व अंमलदार पोलीस ठाणे गिट्टीखदान हद्दीत पेट्रोलिंग करत होते. त्यांना मिळालेल्या गुप्त माहितीच्या आधारे टी.व्ही. टॉवर चौक ते भिमटेकडी मशीद, गिट्टीखदान रोडवर एक इसम हातात शस्त्र घेऊन आरडाओरडा करताना दिसून आला.

पोलिसांनी त्यास घेराव घालून ताब्यात घेतले व निशस्त्र केले. पंचासमक्ष नाव-पत्ता विचारला असता त्याने खालील माहिती दिली:

• आरोपीचे नाव: आकाश शिवकुमार गुप्ता

• वय: २३ वर्षे

  
  

  

  
  

• पत्ता: रा. मरीयम नगर, सिव्हिल टाईन, सिताबर्डी, नागपूर

जप्त केलेला मुद्देमाल:

• आरोपीच्या ताब्यातून ३००/- रुपये किमतीचा एक लोखंडी चाकू जप्त करण्यात आला आहे.

गुन्हेगारी पार्श्वभूमी व पुढील कारवाई:

• आरोपीच्या गुन्हे अभिलेखाची तपासणी केली असता, त्याच्याविरुद्ध पोलीस ठाणे सिताबर्डी, गिट्टीखदान आणि इमामवाडा येथे शरीराविरुद्धचे गंभीर गुन्हे नोंद आहेत.

• तसेच तो एनडीपीएस अ‍ॅक्ट (NDPS Act) नुसार दाखल असलेल्या गुन्ह्यात पोलीस ठाणे इमामवाडा येथील ‘पाहिजे असलेला आरोपी’ (absconding/wanted) असल्याचे निष्पन्न झाले.

• आरोपीने दखलपात्र गुन्हा करण्याच्या उद्देशाने शस्त्र बाळगून धुमाकूळ घातल्याने व मनाई आदेशाचे उल्लंघन केल्याने, त्याच्याविरुद्ध पोलीस ठाणे गिट्टीखदान येथे कलम ४, २५ भा.ह.का. सहकलम १३५ म.पो.का. अन्वये गुन्हा दाखल करून अटक करण्यात आली आहे.

• आरोपीस मुद्देमालासह पुढील कारवाईसाठी गिट्टीखदान पोलिसांच्या ताब्यात देण्यात आले असून पुढील तपास सुरू आहे.

कारवाई करणारे अधिकारी व कर्मचारी: ही कामगिरी अपर पोलीस आयुक्त (गुन्हे) नागपूर शहर मा. राजेंद्र दाभाडे, पोलीस उप आयुक्त (डिटेक्शन) मा.  दीपक अग्रवाल, सह. पोलीस आयुक्त (गुन्हेशाखा) मा. वैभव जाधव यांच्या मार्गदर्शनाखाली पार पडली:

• मपोनि: शुभांगी देशमुख

• सपोनि: चेतन बोरखेडे

• पोउपनि: मनोज राऊत

• पोहवा: महेंद्र सदमाके

• पोअं: संदीप पांडे