वाशिम: २ लाख ८० हजारांच्या ५ चोरीच्या मोटारसायकल जप्त; स्थानिक गुन्हे शाखेची धडाकेबाज कारवाई

वाशिम स्थानिक गुन्हे शाखेची धडाकेबाज कामगिरी; मोटर सायकल चोरीचे ३ गुन्हे उघडकीस, ५ गाड्यांसह २ लाख ८० हजारांचा मुद्देमाल जप्त

वाशिम:  वाशिम जिल्ह्यातील वाहन चोरीच्या गुन्हेगारीला आळा घालण्यासाठी पोलीस अधीक्षक  निकेश खाटमोडे-पाटील यांनी वाहन चोरीचे गुन्हे उघडकीस आणण्याचे कडक निर्देश दिले होते. या पार्श्वभूमीवर स्थानिक गुन्हे शाखेने एकाच कारवाईत मोटर सायकल चोरीचे ३ महत्त्वाचे गुन्हे उघडकीस आणण्यात यश मिळवले आहे. या धडाकेबाज कारवाईत एकूण ५ चोरलेल्या मोटर सायकल हस्तगत करण्यात आल्या असून, एकूण २,८०,०००/- रुपयांचा मुद्देमाल जप्त करण्यात आला आहे.

घटनेची पार्श्वभूमी व तक्रार

• दिनांक ०९ नोव्हेंबर २०२६ रोजी फिर्यादी ज्ञानेश्वर भिमराव पवार यांनी पोलीस स्टेशन रिसोड येथे फिर्याद दिली होती.

  
  

  

  
  

• त्यांच्या समर्थ नगर, रिसोड येथील राहत्या घरातून त्यांची मालकीची होंडा शाईन कंपनीची मोटर सायकल अज्ञात इसमाने चोरून नेली होती.

  
  

  

  
  

• या तक्रारीवरून पोलीस स्टेशन रिसोड येथे गुन्हा भारतीय न्याय संहिता (BNS) २०२३ अन्वये गुन्हा दाखल करण्यात आला होता.

  
  

  

  
  

तपास आणि संशयिताची धरपकड

• या गुन्ह्याचा समांतर तपास स्थानिक गुन्हे शाखेचे अधिकारी व अंमलदार करत असताना पोलिसांना गुप्त बातमीदाराकडून महत्त्वाची माहिती मिळाली.

• रिसोड परिसरातील सदानंद टॉकीज जवळ, आनंदी चौक येथे राहणारा अंकुश विश्वनाथ राउत हा एक मोटर सायकल कमी किंमतीत विक्री करण्यासाठी रिसोड शहरात फिरत असून ती चोरीची असल्याची दाट शक्यता आहे, अशी माहिती मिळाली.

  
  

  

  
  

• या माहितीच्या आधारे स्थानिक गुन्हे शाखेच्या पथकाने सिव्हील लाईन रोड, रिसोड येथून अंकुश विश्वनाथ राउत (वय ३० वर्ष, रा. सदानंद टॉकीज जवळ, आनंदी चौक, रिसोड) यास ताब्यात घेतले.

• पोलिसांच्या कौशल्यपूर्ण चौकशीत त्याने गुन्ह्याची कबुली दिली असून त्याच्याकडून एकूण ५ चोरीच्या मोटर सायकल हस्तगत करण्यात आल्या आहेत.

  
  

  

  
  

जप्त केलेल्या मोटर सायकलचा सविस्तर तपशील

• होंडा शाईन: पो.स्टे. रिसोड, जि. वाशिम किंमत: ७०,०००/- रुपये.

• होंडा हॉरनेट: पो.स्टे. गोरेगांव, जि. हिंगोली किंमत: ६०,०००/- रुपये.

• हिरो स्पलेंडर प्लस: पो.स्टे. भोसरी एमआयडीसी, पिंपरी चिंचवड आयुक्तालय, जि. पुणे किंमत: ५०,०००/- रुपये.

• बजाज प्लॅटीना: किंमत: ५०,०००/- रुपये.

• हिरो स्पलेंडर:  किंमत: ५०,०००/- रुपये.

पोलीस पथकाचे यश

• ही यशस्वी आणि धडाकेबाज कारवाई पोलीस अधीक्षक  निकेश खाटमोडे-पाटील, अपर पोलीस अधीक्षक श्रीमती लता फड आणि उपविभागीय पोलीस अधिकारी रामकृष्ण पवार यांच्या मार्गदर्शनाखाली पार पडली.

• स्थानिक गुन्हे शाखेचे पोलीस निरीक्षक सुधाकर आडे यांच्या नेतृत्वाखाली पोउपनि. शेखर मास्कर, पोलीस अंमलदार पोहवा/गजानन झगरे, सुरज खडके, ज्ञानदेव मात्रे, अमोल इरतकर आणि चालक पोकों/सुनिल तायडे यांनी अथक परिश्रम घेऊन ही कामगिरी फत्ते केली आहे.