
कळमना पोलिसांची मोठी कामगिरी: घरफोडीचा छडा लावत दोघांना अटक; अडीच लाखांचा मुद्देमाल जप्त

कळमना पोलिसांची मोठी कामगिरी: उज्जैन दर्शनासाठी गेलेल्या कुटुंबाच्या बंद घरात घरफोडी; दोघांना अटक, २.५० लाखांचा मुद्देमाल जप्त
नागपूर :- कळमना पोलीस ठाण्याच्या हद्दीतील ओम नगर, तलमले ले-आउट येथे झालेल्या घरफोडीचा गुन्हा कळमना पोलिसांनी अवघ्या काही तासांत उघडकीस आणत दोन आरोपींना अटक केली आहे. आरोपींच्या ताब्यातून २,५०,००० रुपये किमतीचा मुद्देमाल जप्त करण्यात आला आहे.
घटनेचा तपशील
-
फिर्यादी व कुटुंबाचा प्रवास: ओम नगर, तलमले ले-आउट, कळमना, नागपूर येथील रहिवासी निशांत अरुण भाटी (वय ३६) हे दिनांक १३.११.२०२६ रोजी रात्री १९.०० वाजता आपल्या घराला कुलूप लावून कुटुंबासह उज्जैन (म.प्र.) येथे दर्शनासाठी गेले होते.

-
चोरीची घटना: दिनांक १३.११.२०२६ च्या रात्री १९.०० वा. ते दिनांक १७.११.२०२६ च्या सकाळी ०६.४५ वा. दरम्यान अज्ञात चोरट्याने मुख्य दरवाजाचे कुलूप तोडून घरात प्रवेश केला. बेडरूममधील कपाटाचे लॉकर तोडून रोख २५,००० रुपये, सोन्याचे दागिने आणि प्रॉपर्टीची कागदपत्रे असा एकूण ३,९७,५०० रुपये किमतीचा मुद्देमाल चोरून नेला.

-
गुन्हा नोंद: फिर्यादी परतल्यानंतर (१७ नोव्हेंबर रोजी) प्रकार उघडकीस आला. त्यांनी दिलेल्या तक्रारीवरून कळमना पोलीस ठाण्यात अज्ञात आरोपींविरुद्ध भारतीय न्याय संहिता (BNS) कलम अन्वये गुन्हा दाखल करण्यात आला.

तपास व अटक करण्यात आलेले आरोपी
-
तांत्रिक व गोपनीय तपास: कळमना पोलिसांच्या तपास पथकाने तांत्रिक तपास व खात्रीशीर माहितीच्या आधारे या गुन्ह्याचा छडा लावला.
-
अटक आरोपी:

-
गौरव सचिन पालीवाल (वय १९ वर्षे)
-
देवेन्द्र उर्फ दादू किशोरीलाल शाहु (वय २१ वर्षे)

-
दोन्ही आरोपी रा. ओम नगर, तलमले ले-आउट, कळमना, नागपूर येथील रहिवासी आहेत.
-
-
कबुली व मुद्देमाल जप्ती: चौकशीत दोघांनी संगनमताने गुन्हा केल्याची कबुली दिली. त्यांच्या ताब्यातून २,५०,००० रुपये किमतीचा मुद्देमाल जप्त करण्यात आला आहे. तसेच गुन्ह्यातील काही मुद्देमाल फिर्यादीच्या घरातच आढळून आल्याचे पुरवणी जबाबात नमूद करण्यात आले असून, पुढील तपास सुरू आहे.
वरिष्ठ अधिकाऱ्यांच्या मार्गदर्शनाखाली कारवाई
ही कारवाई विश्वास नांगरे पाटील (पोलीस आयुक्त, नागपूर शहर), नविनचंद्र रेड्डी (सह. पोलीस आयुक्त, नागपूर शहर), वसंत परदेशी (अपर पोलीस आयुक्त, दक्षिण विभाग),राहुल माकणिकर (पोलीस उप आयुक्त, परिमंडळ क्र. ५) आणि रोहीत ओव्हाळ (सहा. पोलीस आयुक्त, कळमना विभाग) यांच्या मार्गदर्शनाखाली वपोनि. प्रविण काळे, पोनि. गुन्हे गणेश धुमाळ, पोउपनि. गजानन राऊत, पोहवा. प्रमोद कंगाले, विशाल भैसारे, पोअं. नितीन मिश्रा, ललीत शेंडे, अविनाश ग्वालबंशी व रोशन निंबरते यांनी पार पाडली.


