अमरावती पथक व जलंब पोलिसांची संयुक्त कारवाई: ५५.५७ लाखांचा प्रतिबंधित गुटखा जप्त;

महाराष्ट्रातील महत्वाच्या क्राईम संबंधी बातम्यांसाठी आम्हाला जॅाईन करा
Instagram Follow


अमरावती पथक व जलंब पोलिसांची संयुक्त कारवाई: ५५.५७ लाखांचा प्रतिबंधित गुटखा जप्त; दोघांवर गुन्हा दाखल

बुलढाणा, दि. २१ नोव्हेंबर २०२६: महाराष्ट्र शासनाने प्रतिबंधित केलेल्या मानवी आरोग्यास अत्यंत हानीकारक गुटखा, पान मसाला आणि सुगंधित तंबाखूजन्य पदार्थांची वाहतूक करणाऱ्या रॅकेटवर अमरावती येथील विशेष पोलीस महानिरीक्षक (विपोमनि) कार्यालयाचे पथक आणि जलंब पोलिसांनी संयुक्तपणे मोठी कारवाई केली आहे. या कारवाईत एकूण ५५ लाख ५७ हजार १०० रुपये किमतीचा मुद्देमाल जप्त करण्यात आला असून, दोन आरोपींना ताब्यात घेऊन त्यांच्याविरुद्ध गुन्हा दाखल करण्यात आला आहे.

कारवाईचा तपशील

दिनांक २१ नोव्हेंबर २०२६ रोजी अमरावती येथील विपोमनि कार्यालयाचे सपोनि. श्री. निलेश देशमुख यांना गोपनीय बातमीदाराकडून माहिती मिळाली होती की, मध्यप्रदेशातून मोठ्या प्रमाणात प्रतिबंधित गुटखा चारचाकी वाहनातून बुलढाणा जिल्ह्यात विक्रीसाठी आणला जात आहे. या माहितीनुसार सपोनि. निलेश देशमुख यांच्या निर्देशाखाली जलंब पोलीस ठाण्याचे ठाणेदार सपोनि. सचिन पाटील व त्यांच्या पथकाने माटरगाव ते भास्तन रोडवरील महालक्ष्मी कृषी तंत्र महाविद्यालयाजवळ सापळा रचून नाकाबंदी केली.



तपासणीदरम्यान खालील दोन बोलेरो पिकअप वाहने प्रतिबंधित गुटखा, पान मसाला व सुगंधित तंबाखूची वाहतूक करताना आढळून आली:



  • वाहन क्रमांक १: MH28-BB-7491



  • वाहन क्रमांक २: MH-56-C-0501

पोलिसांनी दोन्ही आरोपींना ताब्यात घेऊन मुद्देमाल व वाहने जप्त केली आहेत. या प्रकरणी जलंब पोलीस ठाण्यात अप.क्र. ३७६/२०२६ अन्वये भारतीय न्याय संहिता (BNS) कलम  तसेच अन्न व सुरक्षा मानके कायदा २००६ च्या कलम ५९ प्रमाणे गुन्हा नोंद करण्यात आला असून पुढील तपास जलंब पोलीस करत आहेत.



अटक / ताब्यातील आरोपी

१. विश्वजित संजय गव्हांदे (वय २९ वर्षे), रा. शंकर नगर, खामगाव, जि. बुलढाणा

२. सुरेंद्र जानराव तायडे (वय ३६ वर्षे), रा. भीमनगर, जळगाव जामोद, जि. बुलढाणा



हस्तगत केलेला मुद्देमाल

मुद्देमालाचा प्रकार अंदाजे किंमत (रु.)
शासन प्रतिबंधित सुगंधित तंबाखू व पान मसाला

३४,५७,१००/-

बोलेरो पिकअप वाहने (०२ नग)

२१,००,०००/-

एकूण मुद्देमाल

५५,५७,१००/-

पथकाची कामगिरी

सदर कारवाई पोलीस अधीक्षक कार्यालय, बुलढाणा यांच्या मार्गदर्शनाखाली विपोमनि कार्यालय अमरावतीचे सपोनि. निलेश देशमुख, पोहवा. अब्दुल माजीद, पोहवा. एजाज अहमद, पोकॉ. मोहम्मद अमीर तसेच जलंब पोलीस ठाण्याचे ठाणेदार सपोनि. सचिन पाटील, पो.हवा. होनमाने, पोकॉ. गायकवाड, पोकॉ. शिनगारे, पोकॉ. काकडे आणि पोकॉ. गाडेकर यांच्या पथकाने संयुक्तरित्या पार पाडली.





WP2Social Auto Publish Powered By : XYZScripts.com
error: Content is protected !!