अकोला: बिरला रेल्वे कॉलनीत ५६ ग्रॅम एम.डी.सह दोन आरोपींना अटक; ११ लाखांचा मुद्देमाल जप्त

ऑपरेशन प्रहार-नार्को स्ट्राइक: अकोला स्थानिक गुन्हे शाखेची धडक कारवाई; बिरला रेल्वे कॉलनीत ५६ ग्रॅम एम.डी.सह दोन आरोपी ताब्यात

• अकोला, १२ नोव्हेंबर २०२६:  महाराष्ट्र पोलिसांच्या अकोला जिल्हा पोलीस दलातर्फे अमली पदार्थांविरोधात राबविण्यात येत असलेल्या ‘ऑपरेशन प्रहार-नार्को स्ट्राइक’ अंतर्गत स्थानिक गुन्हे शाखेने मोठी कारवाई केली आहे. या कारवाईत बिरला रेल्वे कॉलनी परिसरातून ११ लाख ३० हजार रुपयांचा अमली पदार्थ (एम.डी.) जप्त करण्यात आला असून, दोन जणांना ताब्यात घेण्यात आले आहे.

  
  

  

  
  

गोपनीय माहिती आणि कारवाईचा तपशील:

पोलीस अधीक्षक  अर्चित चांडक यांच्या मार्गदर्शनाखाली, दिनांक ११/११/२०२६ रोजी स्थानिक गुन्हे शाखा, अकोला पथकाला एका खबऱ्यामार्फत अत्यंत गोपनीय माहिती मिळाली. पोलीस स्टेशन रामदास पेठ हद्दीतील बिरला रेल्वे कॉलनी परिसरात एक इसम अमली पदार्थ विक्रीच्या उद्देशाने फिरत असल्याची खात्रीशीर माहिती मिळताच वरिष्ठांना तात्काळ अवगत करण्यात आले.

त्यानंतर स्थानिक गुन्हे शाखेच्या अमली पदार्थ विरोधी पथकाने बिरला रेल्वे कॉलनी परिसरात सापळा रचून संशयित इसमांना ताब्यात घेतले. चौकशीदरम्यान त्यांची ओळख खालीलप्रमाणे निष्पन्न झाली:

१. शेख कासम शेख आजम (वय २५ वर्षे, रा. हमजा प्लॉट, रजा चौक जवळ, अकोला)

२. गुलाम तोफिक कामरान गुलाम रफिक (रा. नवाब पुरा, अल्लू पैलवानच्या घरराजवळ, अकोला)

जप्त करण्यात आलेला मुद्देमाल:

पंचांसमक्ष कायदेशीर प्रक्रिया पार पाडून आरोपींची झडती घेतली असता, त्यांच्याकडे पांढऱ्या रंगाची पावडर असलेली प्लास्टिक पिशवी आढळली. प्राथमिक तपासणीत हा एम.डी. (M.D.) अमली पदार्थ असल्याचे निष्पन्न झाले.

• अमली पदार्थाचे वजन: ५६ ग्रॅम

  
  

  

  
  

• अंदाजे किंमत: ₹१,१२,०००

• इतर मुद्देमाल: एक अँड्रॉइड मोबाईल (किंमत ₹१०,०००)

• एकूण जप्त मुद्देमाल: ₹११,३०,००० किमतीचा

या प्रकरणी पोलीस स्टेशन रामदास पेठ, अकोला येथे अपराध क्रमांक व कलम  एनडीपीएस ॲक्ट (NDPS Act) अंतर्गत गुन्हा दाखल करण्यात आला आहे.

जिल्ह्यातील आतापर्यंतची कारवाई आणि नागरिकांसाठी आवाहन:

अमली पदार्थांविरोधी कारवाई तीव्र करण्यासाठी मा. पोलीस अधीक्षक श्री. अर्चित चांडक यांनी स्थानिक गुन्हे शाखेअंतर्गत अमली पदार्थ विरोधी कक्ष स्थापन केला आहे. सपोनि निलेश देशमुख (मो. क्र. ८८८८०९६०४६) यांच्याकडे या कक्षाची जबाबदारी सोपवण्यात आली असून, अमली पदार्थांची विक्री, साठा, वाहतूक किंवा इतर अवैध धंद्यांची माहिती असल्यास नागरिकांनी संपर्क साधावा, असे आवाहन करण्यात आले आहे. माहिती देणाऱ्याचे नाव अत्यंत गोपनीय ठेवले जाईल.

‘ऑपरेशन प्रहार-नार्को स्ट्राइक’ अंतर्गत आतापर्यंत अकोला जिल्हyahमध्ये अमली पदार्थांविरुद्ध २२ कारवाया करण्यात आल्या असून, १८५ किलो मुद्देमाल (किंमत ८८ लाख ८३ हजार रुपये) जप्त करण्यात आला आहे.

कारवाई करणारे पथक:

सदरची यशस्वी कारवाई पोलीस अधीक्षक अर्चित चांडक,  अपर पोलीस अधीक्षक  डॉ. नीलेश पांडे यांच्या मार्गदर्शनाखाली पोलीस निरीक्षक नितीन लेव्हर्गर (स्थानिक गुन्हे शाखा, अकोला), तसेच सपोनि निलेश देशमुख, अनिल चव्हाण व पोलीस अंमलदार शेख हसन, भास्कर धोत्रे, अब्दुल माजिद, कुशल नेमाडे, वसीमोद्दीन, एजाज अहमद, विलास बंकावार, राहुल गायकवाड, श्रीकांत पातोंड, मोहम्मद आमीर, मंगेश नागापुरे, अशोक सोनवणे, भिमराव दिपके आणि चालक मनीष ठाकरे यांनी पार पाडली आहे.