वाडी पोलिसांची उत्कृष्ट कामगिरी: ऑटोरिक्षा चोरट्याला अटक; ३ गुन्हे उघडकीस

वाडी पोलीस ठाण्याच्या हद्दीत ऑटोरिक्षा चोरी करणाऱ्या आरोपीला अटक करण्यात पोलीस पथकाला यश आले असून, त्याच्याकडून चोरीचा ऑटो जप्त करण्यात आला आहे. तसेच त्याच्याकडून आणखी २ घरफोडीचे गुन्हे उघडकीस आले आहेत.

घटना व तपासाचा तपशील:

• फिर्यादी: धनराज सदाशिव देवासे (वय ५५ वर्षे, रा. सोनबा नगर, नागपूर)

• घटनेची माहिती: दि. १०.०८.२०२६ च्या रात्री २३:४५ ते ११.०८.२०२६ च्या सकाळी ०५:०० वाजेदरम्यान फिर्यादी यांनी त्यांच्या मालकीचा पिवळ्या रंगाचा तीन चाकी ऑटो (क्र. MH 49 E 5352, किंमत ₹८०,०००/-) घराच्या वॉल कंपाऊंडबाहेर लॉक करून पार्क केला होता. अज्ञात चोरट्याने तो चोरून नेल्याने वाडी पोलीस ठाण्यात कलम ३०५(ब) भा.न्या.सं. अन्वये गुन्हा दाखल करण्यात आला.

  
  

  

  
  

• आरोपीची माहिती: तांत्रिक तपास व गुप्त बातमीदाराच्या माहितीवरून वाडी पोलिसांनी आरोपी पंकज उर्फ राहुल पंडीत जाधव (वय २८ वर्षे, रा. सोनबा नगर, वाडी, नागपूर) यास ताब्यात घेतले.

• उघडकीस आलेले गुन्हे: चौकशीदरम्यान आरोपीने ऑटोरिक्षा चोरीची कबुली दिली. तसेच सखोल विचारपूस केली असता वाडी पोलीस ठाण्याच्या हद्दीत दुकानाचे शटर तोडून केलेल्या ०२ घरफोडीच्या गुन्ह्यांचीही कबुली दिली. अशा प्रकारे एकूण ०३ गुन्हे उघडकीस आले आहेत.

  
  

  

  
  

कारवाई करणारे पोलीस पथक:

ही कामगिरी खालील अधिकारी व कर्मचाऱ्यांच्या पथकाने केली:

• मार्गदर्शक अधिकारी:

  •  सिंगा रेड्डी ऋषिकेश रेड्डी (पोलीस उप आयुक्त, )

  • यशवंत नलावडे (सहाय्यक पोलीस उप आयुक्त, एमआयडीसी विभाग)

• तपास पथक (वाडी पोलीस ठाणे):

  • वपोनि. नितीन मगर

  • सपोनि. कुणाल धुरट

  • पोहवा. नागेश्वर

  • पोहवा. रोशन

  • पोहवा. राहुल नागदेवे

  • पोहवा. राहुल बोटेरे

  • पोहवा. सोमेश्वर

  • पोहवा. दिलीप

  • पोहवा. विनोद