वर्ध्यात पोलिसांची मोठी कारवाई; १२.२९ लाखांच्या सुगंधी तंबाखूसह ‘सोनू सुपारीवाला’ अटकेत!

गोडाऊनवर छापा आणि मुद्देमाल जप्त

पोलीस अधीक्षक  सौरभकुमार अग्रवाल यांच्या आदेशानुसार शहरात प्रतिबंधित गुटखा व सुगंधी तंबाखूची विक्री करणाऱ्यांवर पाळत ठेवली जात होती. दिनांक २२ जून २०२६ रोजी पोलिसांना मिळालेल्या खात्रीशीर माहितीच्या आधारे, भामटीपुरा (वर्धा) येथील ‘ताज किराणा’ दुकानावर छापा टाकण्यात आला.

या दुकानाचा मालक शेख इम्रान शेख सुलतान ऊर्फ सोनू सुपारीवाला (रा. भामटीपुरा, वर्धा) याच्या ताब्यातील तीन वेगवेगळ्या गोडाऊनची तपासणी केली असता, तिथे अवैधरित्या विक्रीसाठी साठवून ठेवलेला वेगवेगळ्या कंपन्यांचा सुगंधी तंबाखू, पानमसाला आणि इतर तंबाखूजन्य पदार्थ आढळून आले. अन्न व औषधी विभागाला पाचारण करून हा सर्व साठा जप्त करण्यात आला असून आरोपीविरुद्ध भारतीय न्याय संहिता (BNS) तसेच अन्न सुरक्षा आणि मानके अधिनियमांतर्गत गुन्हा दाखल करण्यात आला आहे. पोलिसांच्या माहितीनुसार, अटक करण्यात आलेल्या आरोपीवर यापूर्वीही विविध कलमांनुसार गुन्हे दाखल आहेत.

कारवाई करणारे पोलीस अधिकारी व पथक

कारवाईत प्रत्यक्ष सहभागी असलेले अधिकारी व अंमलदार:

• पोलीस निरीक्षक: श्री. विनोद चौधरी (स्थानिक गुन्हे शाखा, वर्धा)

• पोलीस निरीक्षक: श्री. विलास पाटील (प्रभारी ठाणेदार, वर्धा शहर)

  
  

  

  
  

• अन्न सुरक्षा अधिकारी: श्री. रविराज धाबर्डे व त्यांचे सहकारी

• सहायक पोलीस निरीक्षक (API): आशिषसिंग ठाकूर (स्थानिक गुन्हे शाखा)

  
  

  

  
  

• पोलीस उपनिरीक्षक (PSI): शरद गायकवाड (गुन्हे प्रकटीकरण पथक, वर्धा शहर)

• पोलीस अंमलदार: गजेंद्र धर्मे, विवेक बन्सोड, प्रशांत वंजारी, नितीन इटकुरे, नरेंद्र कांबळे, श्रावण पवार, अमोल ढोबाले व इतर कर्मचारी.

या धडक कारवाईमुळे वर्धा शहर आणि परिसरात अवैध सुगंधी तंबाखूची विक्री करणाऱ्यांचे धाबे दणाणले आहेत.