गोंदियात २ दुचाकी चोरणारा भामटा गजाआड; ‘शहर डी.बी. पथका’ची कारवाई

गोंदियात दुचाकी चोरट्याला अटक; पोलीस ठाणे गोंदिया शहर डी.बी. पथकाची कारवाई, दोन ‘टीव्हीएस ज्युपिटर’ गाड्या जप्त

गोंदिया (विशेष बातमी): गोंदिया शहर पोलीस स्टेशनच्या डी.बी. पथकाने मोटार सायकल चोरीच्या गुन्ह्यातील आरोपीला शिताफीने ताब्यात घेऊन त्याच्याकडून चोरीस गेलेल्या दोन ‘टीव्हीएस ज्युपिटर’ (TVS Jupiter) दुचाकी हस्तगत केल्या आहेत. या प्रकरणी आरोपी गौरव उर्फ सलमान नरेश शर्मा (वय २७ वर्षे, रा. झोपडी मोहल्ला, यादव चौक, गोंदिया) याला अटक करण्यात आली आहे.

नेमकी घटना काय?

सिव्हिल लाईन, गोंदिया येथील रहिवासी डॉ. अंकीत सुधीर शहारे (वय ३४ वर्षे) यांनी आपली ग्रे रंगाची टीव्हीएस ज्युपिटर मोटार सायकल (अंदाजे किंमत २०,०००/- रुपये) गंगाबाई रुग्णालय, गोंदिया परिसर येथे उभी केली होती. दिनांक ०५ ऑगस्ट २०२६ च्या रात्री ८:०० ते ०६ ऑगस्ट २०२६ च्या सकाळी ८:०० वाजेदरम्यान अज्ञात चोराने सदर गाडी लांबवली.

याप्रकरणी डॉ. शहारे यांच्या तक्रारीवरून पोलीस स्टेशन गोंदिया शहर येथे दिनांक ०८ ऑगस्ट २०२६ रोजी अपराध अज्ञात आरोपीविरुद्ध गुन्हा दाखल करण्यात आला होता.

गुप्त बातमीदाराच्या माहितीवरून कारवाई

पोलीस पथकाने तातडीने संशयिताला ताब्यात घेऊन कडक चौकशी केली असता, त्याने डॉ. शहारे यांची गाडी  तसेच गोंदिया शहर पोलीस ठाण्यातीलच दुसऱ्या एका गुन्ह्यातील अशी एकूण दोन टीव्हीएस ज्युपिटर वाहने चोरी केल्याची कबुली दिली. पोलिसांनी आरोपीकडून दोन्ही वाहने जप्त केली आहेत.

तपास पथक व पोलीस अधिकारी

सदर उल्लेखनीय कामगिरी  गोरख भामरे (पोलीस अधीक्षक, गोंदिया), अभय डोंगरे (अपर पोलीस अधीक्षक, गोंदिया), सुनील दरेकर (पोलीस उप-अधीक्षक / उपविभागीय अधिकारी, गोंदिया) व पोलीस निरीक्षक प्रविण बोरकुटे यांच्या प्रत्यक्ष मार्गदर्शनाखाली पूर्ण करण्यात आली.

कारवाईत सहभागी डी.बी. पथक:

• सहाय्यक फौजदार:  कवलपालसिंग भाटीया

• पोलीस हवालदार:  सतिश शेन्डे, सुदेश टेंभरे, निशिकांत लॉदासे, दिपक रहांगडाले

  
  

  

  
  

• पोलीस शिपाई:  दिनेश बिसेन, सुभाष सोनवाने, अशोक रहांगडाले, कुणाल बारेवार, मुकेश रावते, सोनु नागपुरे, प्रमोद शेन्डे, अजय बोपचे, व राकेश बंजारे