नागपूर : सदर पोलिसांची धडक कारवाई; ‘मकोका’ प्रकरणातील फरार मुख्य आरोपी अटकेत

नागपूर:- सदर पोलीस ठाण्याच्या हद्दीत घडलेल्या प्राणघातक हल्ला व संघटित गुन्हेगारी (मकोका) प्रकरणातील बऱ्याच दिवसांपासून फरार असलेला आरोपी सलीम खान अब्दुल गफार खान याच्या अखेर सदर पोलिसांनी मुसक्या आवळल्या आहेत. तांत्रिक तपास व गुप्त बातमीदाराच्या आधारे पोलिसांनी ९ ऑक्टोबर २०२६ रोजी त्याला सापळा रचून अटक केली.

घटनेचा सविस्तर तपशील

• वेळ व ठिकाण: २० जून २०२६ | दुपारी १२:०० वाजता | सुदर्शन दुर्गा माता मंदिराजवळ, गड्डीगोदाम, नागपूर.

  
  

  

  
  

• वादाचे मूळ कारण: तक्रारदार लक्की नरेश दासर (वय २४ वर्ष) हे आपल्या २ वर्षांच्या शेजारील बालकाला ॲक्टिव्हावरून फिरवत असताना, आरोपी सलीम खान याच्या दुचाकीचा धक्का बसला. बालक खाली पडल्याने दोघांमध्ये शाब्दिक वाद झाला.

बेकायदेशीर मंडळी जमवून जीवघेणा हल्ला

शाब्दिक वाद सोडवण्यासाठी तक्रारदार व त्यांचे मित्र गेले असता आरोपींनी बेकायदेशीर टोळी जमवून लक्की दासर यांना मारहाण केली. तसेच, त्यांचे मित्र राहुल उर्फ सोनू काशिनाथ डकाहा (वय ३४ वर्ष) यांच्यावर जिवे मारण्याच्या उद्देशाने चाकू, लाकडी दांडके आणि हातबुक्कीने गंभीर वार केले.

गुन्ह्यातील सर्व आरोपी:

1. शकील खान अब्दुल गफार खान (वय ४०, रा. गोवा कॉलनी, सदर)

2. सुजल जोसेफ पॉल (वय २६, रा. गोवा कॉलनी, सदर)

   
   

   

   
   

3. साजीद शेख बासीत शेख (वय २६)

4. सलीम खान अब्दुल गफार खान (वय ४०/४६) – (नुकतीच अटक)

   
   

   

   
   

5. राजा खान अब्दुल गफार खान (वय ३०)

गुन्हेगारी पार्श्वभूमी अन् ‘मकोका’ची कारवाई

सदर टोळी शहरात जिवे मारण्याचा प्रयत्न, बेकायदेशीर शस्त्रास्त्रे बाळगणे, मारहाण, विनयभंग आणि अवैध दारू विक्री अशा गंभीर गुन्ह्यांमध्ये सक्रिय होती. नागरिकांमधील भीती व दहशतीचे वातावरण लक्षात घेता वरिष्ठ अधिकाऱ्यांच्या सूचनेनुसार या प्रकरणात महाराष्ट्र संघटित गुन्हेगारी नियंत्रण कायदा (मकोका) १९९९ अंतर्गत कलमवाढ करण्यात आली.

अटक व पुढील प्रक्रिया

घटनेनंतर आरोपी सलीम खान पसार झाला होता. तांत्रिक विश्लेषण आणि गोपनीय बातमीदाराच्या मदतीने ९ ऑक्टोबर २०२६ रोजी त्याला सन्तोषी माता मंदिराजवळ, गोवा कॉलनी, सदर येथून पोलिसांनी ताब्यात घेतले. सहाय्यक पोलीस आयुक्त (सदर विभाग) यांच्या मार्गदर्शनाखाली पुढील तपास सुरु आहे.

कारवाई करणारे पोलीस पथक

• मार्गदर्शक अधिकारी:

  •  विश्वास नांगरे पाटील (पोलीस आयुक्त, नागपूर)

  •  नविनचंद्र रेड्डी (सह पोलीस आयुक्त)

  •  विनीता शाहू (अपर पोलीस आयुक्त, उत्तर प्रभाग)

  •  अन्नपूर्णा सिंग (पोलीस उप आयुक्त, परिमंडळ २)

  • शिवाजी गायकवाड (सहाय्यक पोलीस आयुक्त, सदर)

• प्रत्यक्ष कारवाई करणारे पथक: वपोनि. ज्ञानेश्वर भेदोडकर, सपोनि. नरेंद्र तायडे, पोउपनि. जगन्नाथ शेळकर, निकेतन किल्लेदार, पोहवा. प्रकाश बाळबुधे, निलेश लोंढे, प्रेम ढोके, पोअ. अश्विन भांगे आणि प्रशांत गंधने.