खुनाचा प्रयत्न करणाऱ्या आणि गेल्या दोन वर्षांपासून फरार असलेल्या आरोपीला अटक

नागपूर शहर गुन्हे शाखा युनिट क्र. ६ च्या पथकाने गस्तीदरम्यान मोठी कारवाई करत, गेल्या दोन वर्षांपासून खुनाच्या प्रयत्नासारख्या गंभीर गुन्ह्यात फरार असलेल्या एका कुख्यात आरोपीला बेड्या ठोकल्या आहेत.

घटनेचा सविस्तर घटनाक्रम:

• गोपनीय माहिती आणि सापळा:

  
  

  

  
  

  दिनांक ०९ ऑक्टोबर २०२६ रोजी गुन्हे शाखा युनिट क्र. ६ चे पथक शहरात गस्त घाबत होते. यादरम्यान पोलिसांना गुप्त बातमीदाराकडून माहिती मिळाली की, खुनाच्या प्रयत्नातील गुन्ह्यात मागील दोन वर्षांपासून पोलिसांना गुंगारा देणारा वॉण्टेड आरोपी ऑटोमोटीव्ह चौक परिसरात फिरत आहे.

• आरोपीची कसून तपासणी व पकड:

  
  

  

  
  

  मिळालेल्या खात्रीशीर माहितीच्या आधारे पोलिसांनी कपीलनगर पोलीस ठाण्याच्या हद्दीतील ऑटोमोटीव्ह चौक परिसरात कसून शोधमोहीम राबवली. वर्णनानुसार एक संशयित इसम फिरताना आढळताच पोलिसांनी त्याला तातडीने घेराव घालून ताब्यात घेतले.

• आरोपीची ओळख:

  
  

  

  
  

  पोलिसांनी नाव-पत्ता विचारला असता त्याने आपले नाव शुभम उर्फ पंडित शरद गावंडे (वय ३० वर्षे, रा. गारगोटी नगर, सध्या रा. हिमांशू अशोक गावंडे यांचे घरी भाड्याने, पागोटे किराणा दुकान जवळ, दिघोरी, हुडकेश्वर, नागपूर) असल्याचे सांगितले.

• गुन्हेगारी रेकॉर्ड उघड:

  
  

  

  
  

  पोलिस ठाण्यात आणून त्याचा रेकॉर्ड तपासला असता, हा आरोपी पोलीस ठाणे यशोधरानगर येथे दाखल असलेल्या गुन्ह्यात हवा असलेला मुख्य आरोपी असल्याचे निष्पन्न झाले. गुन्हा घडल्यापासून तो आपले अस्तित्व लपवून फरारी जीवन जगत होता.

• पुढील कायदेशीर पाऊल:

  गुन्हे शाखेने आरोपीला तात्काळ अटक करून पुढील कायदेशीर कारवाईकामी यशोधरानगर पोलिसांच्या स्वाधीन केले असून, याप्रकरणी पुढील कसून तपास सुरू आहे.

मार्गदर्शक अधिकारी:

सदर महत्त्वाची कामगिरी नागपूर शहर पोलीस आयुक्त  विश्वास नांगरे पाटील, सहपोलीस आयुक्त नवीनचंद्र रेड्डी, अपर पोलीस आयुक्त (गुन्हे)  राजेंद् दाभाडे, पोलीस उपायुक्त (डिटेक्शन)  दीपक अग्रवाल व सहायक पोलीस आयुक्त (गुन्हे शाखा) वैभव जाधव यांच्या मार्गदर्शनाखाली, पोलीस निरीक्षक भरत कव्हाडे व त्यांच्या पथकातील अधिकारी व अंमलदारांनी यशस्वीरीत्या पार पाडली.