मुंबईत चोरी करुन फरार आरोपीस अकोला पोलिसांनी ३६ लाखाच्या मुद्देमालासह केली अटक…

अकोला – सवीस्तर व्रुत्त असे की  दिनांक १३/१०/२०२३ रोजी स्थानीक गुन्हे शाखा, अकोला चे पोलिस निरीक्षक  शंकर शेळके, सोबत सपोनि. कैलास डी. भगत हे पो.स्टे रामदास पेठ येथे चोरीच्या गुन्ह्याचे तपासात हजर असतांना, पोलिस अधीक्षक, अकोला यांनी
माहीती देवून आदेशीत केले की, पोलिस ठाणे ओसीवारा बृहमुंबई येथील करोडो रूपयाची चोरी झालेल्या गुन्हयात सहभागी
असलेला आरोपी  संतोष चव्हाण हा त्याचे सोबत त्या गुन्हयातील काही रोख रक्कम घेवून पसार झाला असून, तो सध्या अकोला येथे असल्याची गोपनिय माहीती मिळाली. त्याचा अकोला शहरात शोध घेवून त्याचे कडील रोख रक्कम सह त्यास ताब्यात घेवुन कायदेशीर कार्यवाही करणे बाबत पोलिस अधीक्षक यांनी आदेशीत केले असता. पोलिस निरीक्षक  शंकर शेळके, यांनी आरोपीचा अकोला शहरात गोपनिय बातमीदार व तांत्रीक माहितीच्या आधारे शोध घेवून त्यास तात्काळ रोख रक्कम सह ताब्यात घेणे करीता, स्व:ता स्थागुशा प्रमुख . शंकार शेळके, सपोनि. कैलाश डी. भगत व स्थागुशा येथील अंमलदार यांनी दोन पथके तयार केले. तांत्रीक माहीतीच्या आधारे व गुप्त बातीमदारा मार्फत पो. ठाणे ओसीवारा, बृहमुंबई येथील गुन्ह्यातील आरोपी हा पो.स्टे सिव्हील लाईन हद्दीतील क्रांती चौक, न्यु तापडीया नगर अकोला या ठिकाणी असल्याची खात्रीशीर माहीती मिळाली, त्या ठिकाणी स्थागुशा, पथकाने जावून कौशल्यपुर्ण पध्दतीने संशयीत आरोपी संतोष सुदमा चव्हाण रा. तेजश्री अपार्टमेंट रूम नं १०६ घनसोली नवी मुंबई याचा शोध घेवून त्यास ताब्यात घेतले. त्यास सविस्तर विचारपूस केली असता त्याने गुन्हा केल्याचे कबुल केले.त्याचे कडून गुन्हयातील चोरलेल्या रक्कम पैकी गुन्ह्यातील नगदी ३६,५०,०००/- रू जप्त केली आहे. स्थागुशा, अकोला यांनी अश्या प्रकारे मुंबई येथील आरोपीस कौशल्यपुर्ण पध्दतीने ताब्यात घेवून त्याचे कडून मोठी रक्कम जप्त केली आहे. मागिल दोन महिण्यातील स्थागुशा, अकोला ची गुन्ह्यामधील चोरीस गेलेल्या रक्कमे पैकी ३५ लाखा पेक्षा जास्त रक्कम जप्त करण्याची ही दुसरी घटना आहे. सदर आरोपीस ताब्यात घेवून त्यास पो. ठाणे ओसीवरा बृहमुंबई येथील पोलिस अधीकारी अकोला येथे रक्कमेसह ताब्यात देण्यात आले आहे. सदर अटक मोहीम ही दिनांक १३/१०/२३ चे २३:००
ते दिनांक १४/१०/२३ चे सकाळी ०८:०० वा पावेतो सुरू होती.
सदरची कारवाई ही पोलिस अधीक्षक, संदीप घुगे , अपर पोलिस अधीक्षक अभय  डोंगरे,उप. वि.पो.अ सुभाष दुधगावकर, पो.नि  शंकर शेळके स्थागुशा अकोला यांचे मार्गदर्शनाखाली स्थानीक गुन्हे
शाखा अकोला चे सपोनि.  कैलास भगत, पो.हवा. रवी खंडारे, पो.ना, महेंद्र मलिये, अविनाश पाचपोर, गोकुल चव्हाण, खुशाल नेमाडे, एजाज अहेमद, विशाल मोरे, अभिषेक पाठक, मोहम्मंद आमीर, चालक अक्षय बोबडे पो. अं अमोल दिपके, एस.डी. पी.ओ. ऑफिस चे राज चंदेल, नदीम शेख, तसेच, सायबर सेल चे आशिष आमले यांनी केली आहे.