सुगंधीत तंबाखु गुटख्यासह दोघास LCB च्या पथकाने घेतले ताब्यात…
गुटखा-सुगंधीत तंबाखुची विक्री करणाऱ्यांना अटक; 3 लाख 91 हजारांचा मुद्देमाल जप्त…
वर्धा (प्रतिनिधी) – वर्धा स्थानिक गुन्हे शाखेने मिळालेल्या गोपनीय माहितीवरून कौशल्यपूर्ण तपासाच्या आधारावर घरात आणि दुकानात सुगंधीत तंबाखू गुटखा बाळगून त्याची विक्री करणाऱ्या आरोपींना शिताफीने अटक करून त्यांच्याकडून 3 लाख 91 हजारांचा मुद्देमाल हा जप्त केला आहे.
या बाबत सविस्तर वृत्त असे की, (दि.16ऑक्टोबर) रोजी स्थानीक गुन्हे शाखा, वर्धा येथील पथक पुलगाव डिव्हिजन परिसरामध्ये पेट्रोलिंग करीत असतांना मुखबीरद्वारे माहिती मिळाली की, पंकज जयस्वाल रा.पुलगाव हा आपल्या घरी व दुकानात सुगंधीत तंबाखू बाळगून त्याची विक्री करीत आहे. अशी माहिती मिळाल्याने सदर माहिती अन्नसुरक्षा अधिकारी वर्धा यांना देवुन आरोपी नामे पंकज रामलाल जयस्वाल (वय 34 वर्ष), रा.राठी गल्ली पुलगाव यांच्या वर सुगंधी तंबाखू संबंधाने रेड केली असता त्यांनी सदरची सुगंधित तंबाखू आरोपी इमरान जब्बर खान (वय 36 वर्ष) रा.सुभाष नगर पुलगाव यांनी त्यांच्या कारने आणून दिल्याचे सांगितल्याने नमूद दोन्ही आरोपींना ताब्यात घेऊन अटक करण्यात आली आरोपींच्या ताब्यातून 1) वेगवेगळ्या कंपनीचा सुगंधीत तंबाखू व गुटखा एकुण 34.35 किलो ग्राम किंमत 41,983/- रुपये, 2) एक हुंडाई एक्सेट चार चाकी कार किंमत 3,50,000/- रुपये.असा एकुण 3,91,983/- रुपये चा मुद्द्यामाल जप्त करण्यात आला. सदर नमुद दोन्ही आरोपीचे विरुद्ध पोलीस स्टेशन पुलगाव येथे गुन्हा नोंद करण्यात आले.
सदरची कारवाई हि पोलिस अधिक्षक अनुराग जैन, अपर पोलिस अधिक्षक डॅा सागर रतनकुमार कवडे, सहा पोलिस अधिक्षक तथा उपविभागीय पोलिस अधिकारी राहुल चव्हाण यांचे निर्देशाप्रमाणे पोलिस निरीक्षक विनोद चौधरी, पोउनि. उमाकांत राठोड,प्रशिल लोहार अन्न सुरक्षा अधिकारी, पोलिस अंमलदार सचिन इंगोले, प्रमोद पिसे, रामकिसन ईप्पर, विकास मुंढे, अरविंद इंगोले, सर्व नेमणूक स्थानीक गुन्हे शाखा, वर्धा यांनी केली आहे.
