अमरावती: दिवसा घरफोडी करणारे २ चोरटे गजाआड; ७७ हजारांचा मुद्देमाल हस्तगत

अमरावती: दिवसा घरफोडी करणाऱ्या दोन आरोपींना गुन्हे शाखेकडून अटक; ७७,५०० रुपयांचा मुद्देमाल जप्त

अमरावती: अमरावती शहरातील खोलापुरी गेट पोलीस ठाण्याच्या हद्दीत दिवसा घरफोडी करणाऱ्या दोन सराईत आरोपींना अमरावती शहर गुन्हे शाखेने तातडीने कारवाई करत ताब्यात घेतले आहे. आरोपींकडून चोरी गेलेले सोन्या-चांदीचे दागिने, मोबाईल फोन आणि गुन्ह्यात वापरलेली मोटारसायकल असा एकूण ७७,५०० रुपये किमतीचा संपुर्ण मुद्देमाल जप्त करण्यात यश आले आहे.

खोलापुरी गेट पोलीस ठाण्याच्या हद्दीतील ‘प्रवीण संकल्प’, मालू लेआउट, रिंग रोड (आकोली) येथील रहिवासी नीलिमा राकेश आकरे (वय ४२ वर्षे) यांच्या घरी दिवसा घरफोडी झाली होती. चोरट्यांनी घरातील सोन्या-चांदीचे दागिने, दोन मोबाईल फोन व रोख रक्कम लंपास केली होती. याप्रकरणी अन्वये गुन्हा नोंदवण्यात आला होता.

गुन्हा दाखल झाल्यानंतर गुन्हे शाखेच्या पथकाने तपासाची चक्रे वेगाने फिरवली:

• घटनास्थळावरील व परिसरातील CCTV फुटेजची सखोल पाहणी करण्यात आली.

  
  

  

  
  

• गुप्त बातमीदारांचे नेटवर्क सक्रिय करण्यात आले.

• १२ ऑगस्ट २०२६ रोजी बातमीदाराकडून मिळालेल्या खात्रीशीर माहितीच्या आधारे चेतन वहीले याला ताब्यात घेऊन विश्वासात विचारपूस केली असता, त्याने आपल्या मित्राच्या मदतीने घरफोडी केल्याची कबुली दिली.

  
  

  

  
  

• चोरी केलेला मुद्देमाल मित्र यश यादव याच्या घरी लपवल्याचे स्पष्ट झाल्यानंतर पोलिसांनी यशच्या घरी छापा टाकून संपूर्ण मुद्देमाल हस्तगत केला.

 ताब्यात घेतलेले आरोपी

१. चेतन संतोष वहीले (रा. जुनी वस्ती, बडनेरा, ता.जि. अमरावती)

२. यश कैलास यादव (रा. वडद, ता.जि. अमरावती)

 जप्त करण्यात आलेला मुद्देमाल

 कारवाई करणारे पोलीस पथक

सदर यशस्वी कारवाई खालील अधिकाऱ्यांच्या मार्गदर्शनाखाली पार पडली:

•  राकेश ओला (पोलीस आयुक्त, अमरावती शहर)

•  शाम घुगे (पोलीस उपआयुक्त, परिमंडळ-०२)

•  प्रांजली सोनावणे (पोलीस उपआयुक्त, मुख्यालय)

•  संजय खताळे (सहायक पोलीस आयुक्त, राजापेठ विभाग)

तपास पथक:

वरिष्ठ पोलीस निरीक्षक दिनेश दहातोंडे, पो.नि. अतुल वर, सपोनि मनीष वाकोडे, सपोनि दशरथ आडे, सहा. पोउपनि फिरोज खान, पो.हवा. मंगेश लोखंडे, संभाजी केन्द्रे, संजय भारसाकळे, नाझिमोद्दीन सैयद, पो.ना. सचिन भोयर, पोलीस अंमलदार रंजित गावंडे, नरेश मोहरिल, सूरज चव्हाण, सागर ठाकरे, निखिल गेडाम, चालक चेतन शर्मा, प्रभात पोकळे (गुन्हे शाखा अमरावती) व म.पो.कॉ. सुषमा आठवले (सायबर पोलीस ठाणे).