अकोला: खदान पोलिसांची धडक कारवाई; अवैध गोवंश वाहतूक हाणून पाडत गायीला दिले जीवनदान

अकोला, दिनांक ११ ऑक्टोबर २०२६ (विशेष वृत्त): अकोला जिल्ह्याच्या खदान पोलीस स्टेशन हद्दीत पोलिसांनी राबविलेल्या “ऑपरेशन प्रहार” अंतर्गत गोवंश तस्करी करणाऱ्या एका आरोपीला जेरबंद करण्यात यश आले आहे. पोलिसांनी या कारवाईदरम्यान अवैधपणे डांबून नेण्यात येणाऱ्या एका गायीची सुटका करून तिला जीवनदान दिले आहे, तसेच गुन्ह्यात वापरलेले वाहन व जनावरासह एकूण १,३४,००० रुपयांचा मुद्देमाल जप्त केला आहे.

घटना नेमकी कशी घडली?

दिनांक ०९ ऑक्टोबर २०२६ रोजी खदान पोलीस स्टेशनचे पथक हद्दीत गस्तीवर आणि नाकाबंदीमध्ये असताना, पोलिसांना एका गुप्त बातमीदाराकडून गोवंश तस्करीबाबत खात्रीशीर माहिती मिळाली. या माहितीच्या आधारे पोलिसांनी खदान पोलीस स्टेशन हद्दीत कसून नाकाबंदी व वाहनांची तपासणी सुरू केली. यादरम्यान एका संशयित चारचाकी मालवाहतूक वाहनाची तपासणी केली असता, त्यात क्रूरपणे आणि अवैधपणे गाय कोंबली असल्याचे उघडकीस आले.

जप्त करण्यात आलेला मुद्रेमाल व गोवंश:

• सुटका करण्यात आलेली गाय: पांढऱ्या रंगाची, वय अंदाजे ५ वर्षे, जिच्या शिंगांना उभा निळा रंग लावलेला असून शिंगाचा गोंडा काळा आहे.

• वाहन: महिंद्रा कंपनीचे चारचाकी मालवाहतूक ‘जीतो’ वाहन (वाहन क्रमांक: एम.एच. ३० बी.डी. १९१९).

  
  

  

  
  

• एकूण जप्त मालमत्ता: अंदाजे १,३४,०००/- रुपये मूल्य.

सक्तीची कारवाई आणि आरोपीची माहिती:

या प्रकरणी पोलिसांनी घटनास्थळावरून वाहनचालक आरोपीला ताब्यात घेतले.

• आरोपीचे नाव: अब्दुल सत्तार अब्दुल रहीम

• वय: ३७ वर्षे

  
  

  

  
  

• पत्ता: फुलारी गल्ली, छोटी मस्जिद के सामने, लाल बंगला, बैदपुरा, अकोला. आरोपीविरुद्ध कायदेशीर प्रक्रिया पूर्ण करून गुन्हा दाखल करण्यात आला आहे.

पोलीस प्रशासनाचे मार्गदर्शन व सहभाग:

सदरची ही यशस्वी कारवाई पोलीस अधीक्षक  अर्चित चांडक, अपर पोलीस अधीक्षक  बी. रेड्डी आणि उपविभागीय पोलीस अधिकारी (शहर विभाग)  सुदर्शन पाटील यांच्या मार्गदर्शनाखाली पार पडली.

या पथकात खदान पोलीस स्टेशनचे पोलीस निरीक्षक भाऊराव घुगे, सहाय्यक पोलीस निरीक्षक राहुल जंजाळ, पोलीस हवालदार नीलेश खंदारे, भुषण मोरे, अभिमन्स्य सदाशिव, पोलीस कॉन्स्टेबल मंगेश खेडकर, शिवम दुवे आणि वैभव कस्तुरे यांनी सहभाग घेऊन ही धडक कारवाई पूर्ण केली. अकोला पोलिसांच्या या कामगिरीमुळे गोवंश तस्करांचे धाबे दणाणले आहेत.