अकोला एलसीबीची मोठी कारवाई: जुगार अड्ड्यावर छापा टाकून ७ आरोपींना अटक, ७,८८,३०० रुपयांचा मुद्देमाल जप्त

अकोला: अकोला पोलीस अधीक्षक कार्यालयाच्या स्थानिक गुन्हे शाखेने (LCB) ‘ऑपरेशन प्रहार’ अंतर्गत एक मोठी कारवाई केली आहे. हिवरखेड पोलीस स्टेशनच्या हद्दीतील येदलापूर शेत शिवारात सुरू असलेल्या अवैध जुगार अड्ड्यावर छापा टाकून पोलिसांनी ७ आरोपींना रंगेहात पकडले असून त्यांच्याकडून ७,८८,३०० रुपयांचा मुद्देमाल जप्त केला आहे.

कारवाई करणारे पोलीस पथक: ही कामगिरी पोलीस अधीक्षक अर्चित चांडक आणि अप्पर पोलीस अधीक्षक बी. चंद्रकांत रेड्डी यांच्या मार्गदर्शनाखाली स्थानिक गुन्हे शाखेचे प्रमुख पोलीस निरीक्षक नितीन लेव्हरकर, पोलीस उपनिरीक्षक अनिल चव्हाण, पोलीस अंमलदार सुलतान पठाण, मंगेश इंगळे, राज चंदेल, सतीश पवार, श्रीकांत पातोंड आणि देवानंद खरात यांनी पार पाडली.

अशी झाली कारवाई: दिनांक ५ जुलै २०२६ रोजी अकोल्याचे पोलीस अधीक्षक अर्चित चांडक यांच्या तोंडी आदेश आणि मिळालेल्या गोपनीय माहितीच्या आधारे, स्थानिक गुन्हे शाखेचे पोलीस निरीक्षक नितीन लेव्हरकर यांनी दिलेल्या सूचनांनुसार एलसीबीच्या पथकाने ही कारवाई केली. हिवरखेड पोलीस ठाण्याच्या हद्दीतील येदलापूर शेत शिवारात अवैध जुगार सुरू असल्याची खात्रीशीर माहिती मिळाल्यावरून पथकाने तिथे छापा टाकला. या कारवाईत ‘तीन पानी परेल’ नावाचा जुगार खेळत असताना ७ जणांना ताब्यात घेण्यात आले.

जप्त करण्यात आलेला मुद्देमाल: पोलिसांनी घटनास्थळावरून खालील मुद्देमाल जप्त केला आहे:

• जुगार खेळण्याचे साहित्य

• रोख रक्कम: २२,३०० रुपये

  
  

  

  
  

• ८ मोटारसायकली (किंमत ६,००,००० रुपये)

• ६ मोबाईल फोन (किंमत १,६६,००० रुपये)

  
  

  

  
  

• एकूण मुद्देमाल: ७,८८,३०० रुपये

अटक करण्यात आलेल्या आरोपींची नावे: १) अनिकेत सुहास गारगे

२) मुकुंद गजानन नागमते

३) शेख सद्दाम शेख सुलेमान

४) अनिल ज्ञानदेव बंड

५) पंकज सुरेशराव देशमुख

६) गजानन शंकर शिंदे

७) प्रविण अशोक राजनकर (सर्व राहणार: हिवरखेड, तालुका: तेल्हारा, जिल्हा: अकोला)

या सर्व आरोपींविरुद्ध हिवरखेड पोलीस स्टेशन येथे जुगार अधिनियमान्वये गुन्हा दाखल करण्यात आला आहे.