केळवद पोलिसांची मोठी कारवाई: ८ लाखांच्या सुगंधित तंबाखूसह २ आरोपींना अटक!

केळवद पोलिसांची मोठी कारवाई: प्रतिबंधित सुगंधित तंबाखूची वाहतूक करणारे २ आरोपी अटक; ८ लाख ८ हजार रुपयांचा मुद्देमाल जप्त!

केळवद (नागपूर): केळवद पोलीस स्टेशन अंतर्गत प्रतिबंधित सुगंधित तंबाखूची बेकायदेशीर विक्री आणि वाहतूक करणाऱ्या दोन आरोपींना पोलिसांनी रंगेहात पकडले असून, त्यांच्याकडून एकूण ८ लाख ८ हजार ८९० रुपयांचा मुद्देमाल जप्त करण्यात आला आहे.

गुप्त बातमीदाराकडून मिळाली माहिती

दिनांक २३/०६/२०२६ रोजी केळवद पोलीस स्टेशनचे पथक परिसरात पेट्रोलिंग करत असताना, एका गुप्त बातमीदाराकडून पोलिसांना खात्रीशीर माहिती मिळाली. एका चारचाकी वाहनातून प्रतिबंधित सुगंधित तंबाखूची अवैध वाहतूक केली जात असल्याची ती माहिती होती.

साळई नांदागोमुख रोडवर नाकाबंदी

मिळालेल्या माहितीच्या आधारे केळवद पोलिसांनी तात्काळ कारवाई करत पोलीस स्टेशन हद्दीतील साळई नांदागोमुख रोडवर नाकाबंदी केली. नाकाबंदी दरम्यान पोलिसांना एक संशयास्पद टोयोटा इनोव्हा कार (क्र. MH 31 D 3717) येताना दिसली. पोलिसांनी वाहन थांबवून त्याची पंचांसमक्ष कसून तपासणी केली असता, वाहनात मोठ्या प्रमाणावर प्रतिबंधित सुगंधित तंबाखू आढळून आला.

पोलीस मार्गदर्शक व तपास पथक:

सदरची यशस्वी कार्यवाही नागपूर ग्रामीणचे पोलीस अधीक्षक हर्ष पोद्दार, अपर पोलीस अधीक्षक अनिल मस्के, सहाय्यक पोलीस अधीक्षक तथा उपविभागीय पोलीस अधिकारी (सावनेर) सागर खरडे यांच्या मार्गदर्शनाखाली, केळवद पोलीस स्टेशनचे ठाणेदार आशिषसिंग ठाकुर, पोलीस हवादार (पोहवा) दिनेश काकडे आणि पोलीस कर्मचारी मंगेेश यांनी केली आहे.

अटक करण्यात आलेले आरोपी:

१) श्री. रविंद्र काशिनाथ श्रीरंगे (वय ४४ वर्षे, रा. भांडे प्लाट सक्करदरा, उमरेड रोड, नागपूर)

२) श्री. निखील रमेशलाल ममतानी (वय ३२ वर्षे, रा. प्लाट नं. ३६५/५५, पंकज ट्रेडिंग कंपनीच्या समोर, जरीपटका, नागपूर)

जप्त करण्यात आलेला मुद्देमाल (एकूण किंमत: ८,०८,८९० रुपये):

• सुगंधित तंबाखू: वेगवेगळ्या कंपन्यांचा २२९.६ ग्रॅम/किलोग्रॅम सुगंधित तंबाखू (किंमत १,९३,८९० रुपये)

  
  

  

  
  

• वाहन: टोयोटा इनोव्हा कार क्र. MH 31 D 3717 (किंमत ६,००,००० रुपये)

• मोबाईल: २ अँड्रॉईड मोबाईल फोन (किंमत १५,००० रुपये)

कायदेशीर कारवाई

हा सुगंधित तंबाखू मानवी जीवितास अपायकारक आहे आणि महाराष्ट्र शासनाने याच्या उत्पादन, विक्री, साठा व वाहतुकीवर पूर्णपणे बंदी घातली आहे, हे माहीत असतानाही आरोपींनी आर्थिक फायद्यासाठी याची वाहतूक केली. याप्रकरणी दोन्ही आरोपींविरुद्ध केळवद पोलीस स्टेशन येथे भारतीय न्याय संहीता २०२३ चे कलम १२३, २७४, २७५, २२३ सह अन्न सुरक्षा आणि मानके अधिनियम अन्वये गुन्हा नोंदवून दोन्ही आरोपींना अटक करण्यात आली आहे.