बुलढाणा सायबर पोलिसांची मोठी कारवाई: ‘डिजिटल अरेस्ट’ प्रकरणातील ३ भामटे गजाआड!

बुलढाणा (दिनांक १५ ऑगस्ट २०२६):

नांदुरा येथील एका वरिष्ठ नागरिकाला (सिनियर सिटीजन) ‘डिजिटल अरेस्ट’ची भीती दाखवून तब्बल २ कोटी रुपयांची फसवणूक केल्याप्रकरणी बुलढाणा सायबर पोलीस ठाण्यात गुन्हा दाखल झाला आहे. या गुन्ह्याचा तपास सायबर पोलीस ठाण्याचे पोलीस निरीक्षक गजानन कांबळे यांच्या मार्गदर्शनाखाली वेगाने सुरू आहे.

अशी झाली कारवाई व अटक:

• पहिली अटक: गुन्ह्याच्या तपासादरम्यान सायबर पोलिसांच्या पथकाने ०३ ऑगस्ट २०२६ रोजी अहिल्यानगर येथून आरोपी शुभम नांगल याला ताब्यात घेतले.

• सिनेस्टाईल पाठलाग करून रंगेहात पकडले: शुभम नांगल याच्याकडून मिळालेल्या माहितीच्या आधारे १३ ऑगस्ट २०२६ रोजी मुंबई येथून आरोपी धनराज उर्फ रॉबीन विष्णूराम विष्णोई (वय २१ वर्ष, रा. जोधपूर, राजस्थान) आणि मुनाफ शेख अनवर शेख (वय २३ वर्ष, रा. अहिल्यानगर) या दोघांचा ठाणे येथे सिनेस्टाईल पाठलाग करण्यात आला. हे दोघे ५ लाख रुपयांचा चेक विड्रॉ (काढत) करत असताना त्यांना रंगेहात पकडण्यात आले.

  
  

  

  
  

एकूण ५२.७७ लाखांचा मुद्देमाल जप्त व गोठवला:

पोलिसांनी केलेल्या आतापर्यंतच्या कारवाईत खालील मुद्देमाल गोठवण्यात आणि जप्त करण्यात यश आले आहे:

• NCCRP पोर्टलवर गोठवलेली रक्कम: ₹३१,००,०००/-

  
  

  

  
  

• शुभम नांगल याच्या गोल्ड लोन अकाउंटवरील रक्कम: ₹१४,००,०००/-

• रंगेहात चेक विड्रॉ करताना पकडलेली रक्कम: ₹५,००,०००/-

  
  

  

  
  

• जप्त केलेले ॲपल आणि ॲन्ड्रॉइड फोन: किंमत सुमारे ₹१,२७,०००/-

• MRM पोर्टलच्या माध्यमातून गोठवलेली रक्कम: ₹१,५०,०००/-

• एकूण जप्त/गोठवलेला मुद्देमाल: ₹५२,७७,०००/-

  राजस्थानमधील ‘सेंट्रल कमांड’ कडे तपासाची सुत्रे:

सायबर पोलिसांचे पथक फिर्यादींचे फसवणूक झालेले संपूर्ण २ कोटी रुपये परत मिळवण्यासाठी शर्थीचे प्रयत्न करत आहे. अटक केलेल्या आरोपींकडून मिळालेल्या माहितीनुसार, या सायबर गुन्ह्याचे ‘सेंट्रल कमांड’ राजस्थान येथे असल्याचे संकेत तपासात समोर आले आहेत.

सदर कारवाई पोलीस अधीक्षक निलेश तांबे, अपर पोलीस अधीक्षक अमोल गायकवाड यांच्या मार्गदर्शनाखाली सायबर पोलीस ठाण्याचे पोलीस निरीक्षक गजानन कांबळे, ASI शकील खान, HC प्रशांत गावंडे, HC राजदीप वानखडे, HC विक्की खरात, HC राजू आडवे, PC कैलास ठोंबरे, PC राहुल इंगळे, PC क्षितिज तायडे, आणि PC शुभम बोराडे यांच्या पथकाने केली आहे. आरोपींना व्ही. कोर्ट नांदुरा येथे हजर करून पोलीस पुढील सखोल तपास करत आहेत.

पोलीस प्रशासनाचे नागरिकांना आवाहन:

सध्या वाढत्या डिजिटल अरेस्ट, टास्क फ्रॉड, आणि शेअर मार्केट ट्रेडिंग च्या नावाखाली होणाऱ्या ऑनलाईन फसवणुकीपासून नागरिकांनी अत्यंत सावध राहावे. सायबर फ्रॉड झाल्यास नागरिकांनी तात्काळ NCCRP पोर्टलवर किंवा १९३० या हेल्पलाईन नंबरवर आपली तक्रार नोंदवावी, असे आवाहन सायबर पोलीस स्टेशन, बुलढाणा यांच्याकडून करण्यात आले आहे.