अमरावती: १०० हून अधिक CCTV फुटेजच्या मदतीने मंगळसूत्र चोरणारा ५३ वर्षीय आरोपी जेरबंद

अमरावती: महिलेचे मंगळसूत्र पळवणारा आरोपी जेरबंद; १०० हून अधिक CCTV फुटेजच्या मदतीने पोलिसांनी आवळल्या आवळल्या मुसक्या

अमरावती शहर पोलिसांच्या गुन्हे शाखेने एका महिलेच्या गळ्यातील मंगळसूत्र जबरदस्तीने हिसकावून पळवून नेणाऱ्या ५३ वर्षीय आरोपीला अटक करण्यात मोठे यश मिळवले आहे. पोलिसांनी आरोपीकडून गुन्ह्यात वापरलेली गाडी आणि सोन्याची लगड असा एकूण १,५२,००० रुपयांचा मुद्देमाल जप्त केला आहे.सदरची यशस्वी कारवाई पोलीस आयुक्त राकेश ओला, पोलीस उपायुक्त (परीमंडळ-१) यशवंत सोळंके, पोलीस उपायुक्त (परीमंडळ-२) श्याम घुगे, पोलीस उपायुक्त (मुख्यालय तथा गुन्हे) रमेश धुमाळ, आणि सपोआ (गुन्हे) शिवाजी बचाटे यांच्या मार्गदर्शनाखाली करण्यात आली.

नेमकी घटना काय होती?

दिनांक १७ जून २०२६ रोजी दुपारी साधारण १:०० वाजेच्या सुमारास, अमरावती येथील बालाजी प्लॉट भागात राहणाऱ्या सौ. माया गणेश डागा (वय ५० वर्ष) या पायदळ जात होत्या. त्याच वेळी एका अज्ञात इसमाने काळ्या रंगाच्या मोपेड गाडीवरून येऊन त्यांच्या गळ्यातील मंगळसूत्र जबरदस्तीने हिसकावले आणि तो तेथून पळून गेला. या घटनेबाबत राजापेठ पोलीस ठाण्यात अप क्रमांक ५०७/२६ आणि भारतीय न्याय संहिता (BNS) कलम ३०९ (४) अन्वये गुन्हा दाखल करण्यात आला होता.

पोलिसांनी कसा लावला छडा?

गुन्हे शाखेच्या पथकाने या गुन्ह्याचा समांतर तपास सुरू केला. पोलिसांनी अत्यंत कौशल्याने काम करत:

• गुप्त बातमीदार नेमले.

  
  

  

  
  

• घटनास्थळावरील आणि आरोपी ज्या मार्गाने पळून गेला, त्या परिसरातील १०० हून अधिक ठिकाणांचे CCTV फुटेज तपासले.

• सलग चार दिवस आरोपीचा माग काढत, CCTV फुटेजच्या आधारे पोलीस थेट आरोपीच्या घरापर्यंत पोहोचले.

  
  

  

  
  

त्यानंतर पोलिसांनी आरोपीला ताब्यात घेऊन त्याची कसून चौकशी केली असता, त्याने हा गुन्हा केल्याची कबुली दिली.

अटक केलेल्या आरोपीचे नाव:

• अनिल शेषराव लाखपुरकर (वय ५३ वर्ष) रा. शिवपार्वती रेसिडन्सी, वासनकर वाडी, अमरावती.

  
  

  

  
  

जप्त करण्यात आलेला मुद्देमाल: