‘ऑपरेशन प्रहार’ अंतर्गत अवैध जुगारावर मोठी कारवाई!

पिंजर पोलीस स्टेशन (जि. अकोला) अंतर्गत दिनांक १९ जून २०२६ रोजी ‘ऑपरेशन प्रहार’ मोहिमेखाली अवैध जुगार अड्ड्यावर धडक कारवाई करण्यात आली. यामध्ये १० आरोपींना ताब्यात घेण्यात आले असून त्यांच्याकडून २ लाख १२ हजार ५०० रुपयांचा मुद्देमाल जप्त करण्यात आला आहे.

• मार्गदर्शन: ही कारवाई मा. पोलीस अधीक्षक अर्चित चांडक, अपर पोलीस अधीक्षक डी. चंद्रकांत रेड्डी, आणि उपविभागीय पोलीस अधिकारी (मुर्तिजापूर विभाग) वैशाली मुळे यांच्या मार्गदर्शनाखाली करण्यात आली.

  
  

  

  
  

• घटना आणि ठिकाण: गुप्त बातमीदाराकडून मिळालेल्या माहितीच्या आधारे, ग्राम भेंडगाव ते वडाळा रोडवरील शेतशिवारात चालणाऱ्या जुगार अड्ड्यावर पंचांसमक्ष छापा टाकण्यात आला.

• गुन्हा दाखल: ताब्यात घेतलेल्या आरोपींविरुद्ध पिंजर पोलीस स्टेशन येथे महाराष्ट्र जुगार अधिनियम कलम १२(अ) अन्वये गुन्हा दाखल करण्यात आला आहे.

  
  

  

  
  

ताब्यात घेतलेल्या १० आरोपींची नावे:

१. अरुण हरीभाऊ भगत (रा. भेंडगाव)

२. ज्ञानेश्वर निळकंठ भगत (रा. भेंडगाव)

३. सुनिल भिमराव पाटील (रा. भेंडगाव)

४. जितेंद्र झिंगुजी मनवर (रा. भेंडगाव)

५. आनंद लक्ष्मण इंगोले (रा. भेंडगाव)

६. प्रफुल शालीग्राम जाधव (रा. भेंडगाव)

७. भारत पांडुरंग भगत (रा. भेंडगाव)

८. राहुल विठ्ठल मनवर (रा. भेंडगाव)

९. राजेंद्र वामन भगत (रा. भेंडगाव)

१०. नागोराव गोमाजी तिडके (रा. भेंडगाव)

 काही आरोपींनी घटनास्थळावरून शेत-जंगलाचा फायदा घेऊन पळ काढला असून, फरार आरोपींचा शोध सध्या सुरू आहे.

जप्त करण्यात आलेला मुद्देमाल:

पोलीस छाप्यादरम्यान एकूण २,१२,५०० रुपये किमतीचा मुद्देमाल जप्त करण्यात आला, ज्यामध्ये खालील गोष्टींचा समावेश आहे:

• तीन पानी परेल जुगाराचे साहित्य

• मोटार सायकली

• नगदी रोख रक्कम

कारवाई करणारी टीम:

ठाणेदार गजानन राठोड, पोउपनि अभिषेक नवघरे, पोहेकॉ नागसेन वानखडे, पोहवा प्रदिप थामने, आणि पोकॉ विशालसिंग धनावत यांनी ही कारवाई यशस्वीरीत्या पार पाडली. या गुन्ह्याचा पुढील तपास फिर्यादी पोउपनि अभिषेक नवघरे व तपास अधिकारी पोहेकॉ नागसेन वानखडे करत आहेत.

अकोला पोलिसांतर्फे अवैध धंद्याविरोधात ‘ऑपरेशन प्रहार’ मोहीम पुढेही अधिक तीव्रतेने सुरू राहणार असल्याचे या प्रसिद्धी पत्रकात नमूद करण्यात आले आहे.