ऑपरेश प्रहार अंतर्गत अकोल्यात मोठी कारवाई: विनापरवाना देशी कट्टा व जिवंत कारतुसांसह आरोपी जेरबंद; १ लाख ५७ हजारांचा मुद्देमाल जप्त

अकोला: अवैध शस्त्रे बाळगणाऱ्या आणि गंभीर गुन्हे करण्याच्या उद्देशाने फिरणाऱ्या इसमांवर अकोला स्थानिक गुन्हे शाखेने (LCB) मोठी कारवाई केली आहे. जिल्हा व सत्र न्यायालयाच्या वाहनतळासमोरील लोखंडी गेटजवळ सापळा रचून पोलिसांनी एका आरोपीला ताब्यात घेतले आहे. त्याच्याकडून एक देशी बनावटीचा कट्टा, २ मॅगझिन, जिवंत काडतुसे आणि मोटरसायकलसह एकूण १,५७,००० रुपयांचा मुद्देमाल जप्त करण्यात आला आहे.

कारवाईचा तपशील व घटनाक्रम:

अकोला जिल्हा पोलीस अधीक्षक श्री. अर्चित चांडक यांच्या मार्गदर्शनाखाली जिल्ह्यात अवैध धंद्यांविरुद्ध ‘ऑपरेशन प्रहार’ ही मोहीम राबवली जात आहे. ७ ऑक्टोबर २०२६ रोजी स्थानिक गुन्हे शाखेचे पथक अकोला शहर हद्दीत पेट्रोलिंग व गोपनीय कारवाई करत असताना गुप्त बातमीदाराकडून माहिती मिळाली की, एक इसम निळ्या रंगाच्या सुझुकी जिक्सर मोटरसायकलवर शरीराविरुद्ध गंभीर स्वरूपाचा गुन्हा करण्याच्या उद्देशाने व लोकांमध्ये दहशत निर्माण करण्यासाठी कमरेला देशी कट्टा लावून येत आहे.

मिळालेल्या माहितीच्या आधारे पथकाने तात्काळ जिल्हा व सत्र न्यायालयाच्या वाहनतळासमोर सापळा रचला. पंचसमक्ष संतोष नरसिंग ठाकूर (वय २९ वर्षे, रा. म्हातोडी रोड, घुसर ता.जि. अकोला; सध्या रा. १८ क्रमांकाच्या शाळेसमोरील गल्ली, रामदासपेठ मठ, अकोला) याला शिताफीने ताब्यात घेतले.

जप्त केलेला मुद्देमाल (एकूण किंमत: ₹१,५७,०००/-):

1. देशी बनावटीचा कट्टा (अग्निशस्त्र) व २ मॅगझिन – अंदाजे किंमत ₹४०,०००/-

   
   

   

   
   

2. २ जिवंत काडतुसे (कार्ट्रिज) – अंदाजे किंमत ₹२,०००/-

3. निळ्या रंगाची सुझुकी जिक्सर मोटरसायकल (क्र. MH 30 BJ 8368) व मोबाईल फोन

   
   

   

   
   

कायदेशीर कारवाई:

आरोपीविरुद्ध पोलीस स्टेशन रामदास पेठ येथे  आर्म ॲक्टन्वये गुन्हा दाखल करण्यात आला असून, पुढील कायदेशीर तपास सुरू आहे.

कारवाई करणारे पोलीस पथक:

ही कारवाई पोलीस अधीक्षक श्री. अर्चित चांडक, अप्पर पोलीस अधीक्षक श्री. बी. रेड्डी यांच्या मार्गदर्शनाखाली:

• पोलीस निरीक्षक: नितीन लेव्हरकर

• अधिकारी: निलेश देशमुख, गोपाळ जाधव, विष्णू बोडखे, माजीद पठाण, अनिल चव्हाण

• पोलीस अंमलदार: शेख हसन, उमेश पराये, सुलतान पठाण, भास्कर धोत्रे, अमीत दुबे, अब्दुल माजीद, रविंद्र खंडारे, महेंद्र मलिच्ये, किशोर सोनोने, खुशाल नेमाडे, मंगेश इंगळे, वसीमोद्दीन, एजाज अहमद, राहुल गायकवाड, स्वप्नील खेडकर, श्रीकांत पातोंड, अन्सार अहमद, राज चंदेल, आकाश मानकर, धिरज वानखडे, पवन डांबलकर, अभिषेक पाठक, मोहम्मद आमीर, सतिश पवार, अशोक सोनवणे, भिमराव दिपके

• चालक: विनोद ठाकरे, प्रविण कश्यप, रामकिसन डोईफोडे, मनिष ठाकरे, देवानंद खरात, प्रकाश लोखंडे

या सर्व पोलीस पथकाने ही कारवाई यशस्वीरीत्या पार पाडली.