बाळापूर मधील ‘पोक्सो’ व आत्महत्या प्रकरणी फरार पोलीस शिपाई नांदेडमधून गजाआड

बाळापूर येथील पोक्सो आणि आत्महत्येस प्रवृत्त प्रकरणातील फरार पोलीस शिपायाला नांदेड येथून अटक

अकोला पोलिसांनी राबवली २० दिवसांची यशस्वी शोध मोहीम

अकोला / बाळापूर: बाळापूर पोलीस ठाण्यात नोंद असलेल्या अल्पवयीन मुलीवरील लैंगिक अत्याचार (पोक्सो) आणि आत्महत्येस प्रवृत्त केल्याच्या गंभीर गुन्ह्यातील फरार आरोपी पोलीस शिपाई पवन उद्धवराव वडगावे (रा. नरसी, जि. नांदेड) याला अकोला पोलिसांनी नांदेड जिल्ह्यातील मारताडा (ता. नायगाव) येथून शिताफीने ताब्यात घेऊन अटक केली आहे.

• गुन्ह्याची नोंद: १२ जुलै २०२६ रोजी पोलीस ठाणे बाळापूर येथे अप. क्र. ५०५/२०२६ अन्वये भारतीय न्याय संहिता (BNS) कलम ६९, ६४, १०८ सह पोक्सो कायदा (POCSO Act) कलम ४, ६ प्रमाणे गुन्हा दाखल करण्यात आला होता.

  
  

  

  
  

• घटनाक्रम: आरोपी पवन वडगावे हा बाळापूर पोलीस ठाण्यात पोलीस शिपाई म्हणून कार्यरत होता व पीडित मुलीच्या घरी भाड्याने राहत होता. त्याने पीडितेसोबत प्रेमसंबंध ठेवून तिच्यावर लैंगिक अत्याचार केला. नंतर त्याने लग्न करण्यास नकार दिल्याने पीडित मुलीने गळफास घेऊन आत्महत्येचा प्रयत्न केला. उपचारादरम्यान ती कोमात गेली व शेवटी तिची प्राणज्योत मालवली.

• आरोपीचे पलायन: गुन्हा दाखल झाला तेव्हा आरोपी त्याच्या मूळ गावी सुट्टीवर गेला होता. गुन्हा नोंद झाल्याची माहिती मिळताच तो फरार झाला. आरोपी स्वत: पोलीस दलात असल्याने तपासातील बारकावे त्याला माहीत होते, ज्यामुळे त्याला शोधणे पोलिसांसमोर एक मोठे आव्हान बनले होते.

  
  

  

  
  

५ पथके आणि व्यापक शोध मोहीम

घटनेचे गांभीर्य व संवेदनशील स्वरूप लक्षात घेऊन अकोला जिल्ह्याचे पोलीस अधीक्षक श्री. अर्चित चांडक यांनी बाळापूर विभागाचे उपविभागीय पोलीस अधिकारी श्री. गजानन पडघन, स्थानिक गुन्हे शाखेचे (LCB) पोलीस निरीक्षक नितीन लेव्हरकर आणि बाळापूरचे पोलीस निरीक्षक प्रकाश झोडगे यांना आरोपीचा तातडीने शोध घेण्याचे आदेश दिले.

• पथकांची रचना: स्थानिक गुन्हे शाखेचे ३ आणि बाळापूर पोलीस ठाण्याचे २ अशी एकूण ५ पथके (ज्यात ६ अधिकारी आणि २५ अंमलदार समाविष्ट होते) तयार करून रवाना करण्यात आली.

  
  

  

  
  

• विविध राज्यांत माग: तांत्रिक व गोपनीय माहितीच्या आधारे पोलिसांनी आरोपीचा सलग २० दिवस पाठलाग केला. तेलंगणा (हैदराबाद), तमिळनाडू (कोइम्बतूर), कर्नाटक (बंगळुरू), तसेच मुंबई, नांदेड आणि हिंगोली येथे विविध पथकांनी आरोपीच्या नातेवाईक व मित्रांकडे कसून शोध घेतला.

• नांदेड येथे यशस्वी कारवाई: मागील १० दिवसांपासून २ पथके मुंबई आणि २ पथके नांदेड येथे तळ ठोकून होती. नातेवाईक व मित्रांवर पाळत ठेवून तसेच तांत्रिक माहितीच्या आधारे आरोपी पवन वडगावे याला मारताडा (ता. नायगाव, जि. नांदेड) येथून ताब्यात घेण्यात आले.

  
  

  

  
  

कारवाई करणारे पथक

ही यशस्वी कारवाई पोलीस अधीक्षक अर्चित चांडक, अपर पोलीस अधीक्षक  बी. चंद्रकांत रेड्डी आणि उपविभागीय पोलीस अधिकारी गजानन पडघन यांच्या मार्गदर्शनाखाली पार पडली.

तपासात आणि अटकेच्या कारवाईत पो.नि. नितीन लेव्हरकर, पो.नि. प्रकाश झोडगे, सपोनि गोपाल जाधव, पो.उप.नि. अनिल चव्हाण, पो.उप.नि. शरद सैंदाणे, तसेच पोलीस अंमलदार प्रशांत बोदडे, आकाश राठोड, शुभम गवई, संदीप पेड, भारत गिरी, अंकुश मोरे, राम देवपुजे, सिद्धार्थ कोयचाडे, सौरभ सातव, अब्दुल माजीद, रवींद्र खंडारे, महेंद्र मलिये, किशोर सोनोने, मंगेश इंगळे, वसिमोद्दीन, राज चंदेल, देवानंद खरात, मनिष ठाकरे आणि प्रकाश लोखंडे यांनी सहभाग नोंदवला.