बनावट लग्नाचा बनाव रचून ४ लाखांची फसवणूक; महिला आरोपीसह दोघे उरळ पोलिसांच्या जाळ्यात

घटना व पार्श्वभूमी: अकोला जिल्ह्यातील उरळ पोलीस ठाण्याच्या हद्दीत बनावट लग्न लावून एका व्यक्तीची तब्बल ४ लाख रुपयांची फसवणूक केल्याचा धक्कादायक प्रकार समोर आला आहे. या प्रकरणी पीडित तक्रारदार भाऊसाहेब मच्छिंद्र बनसोडे (वय ३५ वर्षे, रा. अखानी, पोस्ट खेड, ता. कर्जत, जि. अहिल्यानगर) यांनी १५ ऑगस्ट २०२६ रोजी उरळ पोलीस ठाण्यात तक्रार दाखल केली होती.

गुन्ह्याचे स्वरूप: तक्रारदार हे मजुरीचे काम करतात. आरोपी महिला शिल्पा मिलींद अहिर (वय ३० वर्षे, रा. तारफेल, जि. अकोला) हिने बनावट लग्न करून तिच्या साथीदारासह मिळून तक्रारदाराकडून ४ लाख रुपये उकळले व फसवणूक केली. या प्रकरणी पोलिसांनी अप.नं. २९८/२०२६ अन्वये कलम ३१८(४), ३(५) भा.न्या.सं. (BNS) अंतर्गत गुन्हा दाखल केला.

आरोपींना अटक: उरळ पोलीस ठाण्याच्या पथकाने तत्परतेने तपास चक्र फिरवून या गुन्ह्यातील आरोपींना जेरबंद केले:

• महिला आरोपी: शिल्पा मिलींद अहिर (रा. तारफेल, जि. अकोला) – अटक दिनांक: २१ एप्रिल २०२६

  
  

  

  
  

• साथीदार आरोपी: विनायक किसनराव गवई (वय ५६ वर्षे, रा. ग्राम खांबोरा, ता.जि. अकोला) – अटक दिनांक: २२ ऑगस्ट २०२६

तपास पथक:

ही धडक कारवाई अकोला जिल्ह्याचे पोलीस अधीक्षक  अर्चित चांडक, अपर पोलीस अधीक्षक बी. चंद्रकांत रेड्डी आणि उपविभागीय पोलीस अधिकारी श्री. गजानन पडघन यांच्या मार्गदर्शनाखाली उरळ पोलीस ठाण्याचे सपोनि जनार्दन खंडेराव, पोउपनि परमेश्वर केंद्रे, सफौ राजू जोंधळकर पोहवा विजय चव्हाण रघुनाथ नेमाडे पोकॉ विकास राठोड  पोकॉ उमेश वाकोडे मपोकॉ रुक्मीण घोडके  मपोकॉ पल्लवी काळे यांनी पार पाडली.